અરબ સાગર: અરબ સાગરમાં અમેરિકન નેવીના એક હેલિકોપ્ટરને ટેકનિકલ ખામીના કારણે કટોકટીની સ્થિતિમાં દરિયામાં ઈમરજન્સી વૉટર લેન્ડિંગ કરાવવું પડ્યું હતું. આ દુર્ઘટનામાં હેલિકોપ્ટરમાં સવાર ચાર ક્રૂ મેમ્બર્સમાંથી ત્રણને સુરક્ષિત રીતે બચાવી લેવામાં આવ્યા છે, જ્યારે એક ક્રૂ મેમ્બર હજુ પણ લાપતા છે.
અમેરિકન નેવીના જણાવ્યા અનુસાર, ઘટનાની જાણ થતાં જ બચાવ કામગીરી તાત્કાલિક શરૂ કરવામાં આવી હતી. રેસ્ક્યુ ટીમે ત્રણ ક્રૂ મેમ્બર્સને સુરક્ષિત રીતે બહાર કાઢ્યા હતા, જ્યારે લાપતા ક્રૂ મેમ્બરની શોધ માટે વ્યાપક સર્ચ ઓપરેશન હાથ ધરવામાં આવ્યું છે.
હાલ અકસ્માતનું ચોક્કસ કારણ જાહેર કરવામાં આવ્યું નથી. પ્રાથમિક માહિતી મુજબ ટેકનિકલ ખામી સર્જાતા પાયલટે દરિયામાં કટોકટીનું લેન્ડિંગ કરવું પડ્યું હતું. ઘટનાની તપાસ શરૂ કરવામાં આવી છે અને હેલિકોપ્ટરમાં ખામી કેવી રીતે સર્જાઈ તે અંગે તપાસ ચાલી રહી છે.
અમેરિકન નેવીએ જણાવ્યું છે કે લાપતા જવાનને શોધવા માટે હેલિકોપ્ટર, જહાજો અને વિશેષ બચાવ ટીમોની મદદથી સતત સર્ચ એન્ડ રેસ્ક્યુ ઓપરેશન ચાલુ રાખવામાં આવ્યું છે.
