Narendra Modi એ G7 Summit દરમિયાન વૈશ્વિક નેતાઓને સંબોધતા કહ્યું કે, “આજે પરસ્પર ભરોસો એ સૌથી મોટી વ્યૂહાત્મક સંપત્તિ છે, પરંતુ દુનિયા આજે સંસાધનોની નહીં, ભરોસાની અછતનો સામનો કરી રહી છે.”
ફ્રાન્સના Évian-les-Bains ખાતે યોજાયેલા આઉટરીચ સેશનમાં પીએમ મોદીએ વૈશ્વિક સહકાર, વિશ્વાસ અને ભાગીદારીના મહત્વ પર ભાર મૂક્યો હતો.
તેમણે જણાવ્યું કે વર્તમાન વૈશ્વિક પડકારોનો સામનો કરવા માટે દેશો વચ્ચે વિશ્વાસ, પારદર્શિતા અને સહયોગ જરૂરી છે. પીએમ મોદીના ભાષણ દરમિયાન Donald Trump પણ મંચ પર તેમની બાજુમાં હાજર હતા, જે દૃશ્ય ખાસ ચર્ચાનો વિષય બન્યું હતું.
પીએમ મોદીએ વૈશ્વિક શાંતિ, આર્થિક સ્થિરતા અને ટકાઉ વિકાસ માટે દેશોએ સાથે મળીને કામ કરવાની જરૂરિયાત પર પણ ભાર મૂક્યો હતો.
આ નિવેદન એવા સમયે આવ્યું છે જ્યારે વિશ્વ અનેક ભૂરાજકીય, આર્થિક અને સુરક્ષા સંબંધિત પડકારોનો સામનો કરી રહ્યું છે, અને દેશો વચ્ચેના વિશ્વાસને મજબૂત બનાવવાની જરૂરિયાત વધુ મહત્વપૂર્ણ બની છે.
