6 લોકો ગંભીર રીતે ઈજાગ્રસ્ત; બચાવ કામગીરી બાદ હોસ્પિટલમાં ખસેડાયા, અકસ્માતના કારણોની તપાસ શરૂ
પાલનપુર: બનાસકાંઠા જિલ્લાના પાલનપુર નજીક આજે સવારે સર્જાયેલા ભીષણ માર્ગ અકસ્માતમાં એસટી બસ અને રિક્ષા વચ્ચે થયેલી જોરદાર ટક્કરમાં ત્રણ લોકોના મોત થયા છે, જ્યારે છ લોકો ઈજાગ્રસ્ત થતાં સમગ્ર વિસ્તારમાં શોક અને અફરાતફરીનો માહોલ સર્જાયો હતો.
અકસ્માતની જાણ થતાં પોલીસ, 108 એમ્બ્યુલન્સ અને સ્થાનિક લોકો તાત્કાલિક ઘટનાસ્થળે પહોંચી બચાવ કામગીરી હાથ ધરી હતી. ઈજાગ્રસ્તોને પ્રાથમિક સારવાર આપ્યા બાદ વધુ સારવાર માટે નજીકની હોસ્પિટલમાં ખસેડવામાં આવ્યા છે.
પ્રાથમિક તપાસ મુજબ ટક્કર એટલી ગંભીર હતી કે રિક્ષાનો કચરો બોલી ગયો હતો. અકસ્માતમાં મૃત્યુ પામેલા લોકોની ઓળખ કરવાની કાર્યવાહી હાથ ધરવામાં આવી છે, જ્યારે ઈજાગ્રસ્તોની સારવાર ચાલી રહી છે.
ઘટનાના પગલે થોડા સમય માટે માર્ગ પર વાહનવ્યવહાર ખોરવાયો હતો. પોલીસે અકસ્માતગ્રસ્ત વાહનોને હટાવી ટ્રાફિક પૂર્વવત્ કર્યો છે અને અકસ્માતનું ચોક્કસ કારણ જાણવા વધુ તપાસ શરૂ કરી છે.
