સિંચાઈ માટે અનામત વિસ્તારમાં ગેરકાયદેસર ખનીજ ખનન થયાના દાવા; મામલતદાર કચેરી અને સિંચાઈ વિભાગે તપાસ શરૂ કરી હોવાની ચર્ચા
જસદણ: જસદણ તાલુકાના ભાડલા ગામ ખાતે આવેલા આધ્યા ડેમ વિસ્તારમાં કથિત રીતે ગેરકાયદેસર માટી ખનન અને માટી ભરાણ કરવામાં આવી રહ્યું હોવાના આક્ષેપો સાથેનો એક વીડિયો સોશિયલ મીડિયામાં વાયરલ થયો છે.
વાયરલ વીડિયોમાં સિંચાઈ માટે અનામત ગણાતા વિસ્તારમાંથી માટી કાઢીને ડૂબમાં આવેલા ખેતરોમાં ભરાણ કરવામાં આવતું હોવાનો દાવો કરવામાં આવ્યો છે. જોકે, વાયરલ વીડિયોની સત્યતા અંગે સત્તાવાર પુષ્ટિ થઈ નથી.
આ સમગ્ર મામલે મામલતદાર કચેરી તેમજ સિંચાઈ વિભાગ દ્વારા તપાસ શરૂ કરવામાં આવી હોવાની ચર્ચા છે. જોકે, સંબંધિત વિભાગો તરફથી હજુ સુધી કોઈ સત્તાવાર નિવેદન અથવા તપાસનો અહેવાલ જાહેર કરવામાં આવ્યો નથી.
વાયરલ વીડિયો બાદ સ્થાનિક સ્તરે સમગ્ર મામલે ચર્ચા જાગી છે અને હકીકત સામે લાવવા પારદર્શક તપાસ કરવાની માંગ ઉઠી રહી છે.
