ભાવનગરના વેપારીની ફરિયાદના આધારે પૂણા પોલીસની કાર્યવાહી; બદનક્ષી અને ધમકીના આક્ષેપોની તપાસ તેજ
સુરેન્દ્રનગર: સોશિયલ મીડિયા ઇન્ફ્લુએન્સર કીર્તિ પટેલની પૂણા પોલીસે સુરેન્દ્રનગરમાંથી ધરપકડ કરી છે. ભાવનગરના એક વેપારીએ બદનક્ષી અને ધમકી આપ્યાના આક્ષેપો સાથે નોંધાવેલી ફરિયાદના આધારે પોલીસે આ કાર્યવાહી હાથ ધરી હોવાનું જાણવા મળ્યું છે.
ધરપકડ બાદ કીર્તિ પટેલને કાયદેસરની કાર્યવાહી હેઠળ કસ્ટડીમાં લેવામાં આવી છે. પોલીસ ફરિયાદમાં કરવામાં આવેલા આક્ષેપોને ધ્યાનમાં રાખીને પુરાવા એકત્રિત કરી સમગ્ર મામલાની વિગતવાર તપાસ કરી રહી છે.
ધરપકડ બાદ મીડિયા સાથેની વાતચીત દરમિયાન કીર્તિ પટેલે “મારા પર કેસ કરનારને હું નહીં છોડું” એવું નિવેદન આપ્યું હોવાનું સામે આવ્યું છે, જેના કારણે મામલો વધુ ચર્ચામાં આવ્યો છે.
પોલીસના જણાવ્યા મુજબ તપાસ હજુ પ્રારંભિક તબક્કામાં છે અને ઉપલબ્ધ પુરાવા તેમજ અન્ય વિગતોના આધારે આગળની કાયદેસરની કાર્યવાહી કરવામાં આવશે.
