અમેરિકાના રાષ્ટ્રપતિ Donald Trumpએ મોંઘવારી મુદ્દે એક આશ્ચર્યજનક નિવેદન આપીને ચર્ચા જગાવી છે. વધતી મોંઘવારી અંગે ચિંતા વ્યક્ત કરવાને બદલે તેમણે જણાવ્યું કે, “મોંઘવારી મને ગમે છે.”
ટ્રમ્પના આ નિવેદન બાદ રાજકીય અને આર્થિક વર્તુળોમાં ચર્ચા તેજ બની છે. સામાન્ય રીતે વધતી મોંઘવારીને અર્થતંત્ર અને સામાન્ય નાગરિકો માટે પડકારરૂપ માનવામાં આવે છે, ત્યારે રાષ્ટ્રપતિનું આ નિવેદન અનેક પ્રશ્નો ઊભા કરી રહ્યું છે.
તાજેતરમાં જાહેર થયેલા એક અહેવાલ અનુસાર, અમેરિકાનો કન્ઝ્યુમર પ્રાઇસ ઇન્ડેક્સ (CPI) મે મહિનામાં ગયા વર્ષની સરખામણીમાં 4.2 ટકા વધ્યો છે. એપ્રિલ 2023 પછી ફુગાવાનો આ સૌથી ઊંચો દર નોંધાયો હોવાનું જણાવાયું છે.
મોંઘવારીમાં થયેલા વધારાને કારણે ખાદ્યપદાર્થો, રહેઠાણ, પરિવહન અને અન્ય આવશ્યક સેવાઓના ખર્ચમાં વધારો જોવા મળી રહ્યો છે. આ પરિસ્થિતિ વચ્ચે ટ્રમ્પના નિવેદને રાજકીય ચર્ચાઓને વધુ વેગ આપ્યો છે.
અર્થશાસ્ત્રીઓનું માનવું છે કે મોંઘવારીના વધતા દર પર સતત નજર રાખવાની જરૂર છે, કારણ કે તેની સીધી અસર સામાન્ય નાગરિકોના જીવનધોરણ અને ખરીદ શક્તિ પર પડે છે.
