ભારતીય શેરબજારમાં આજે જોરદાર તેજીનો માહોલ જોવા મળ્યો છે. બપોરે 2:12 કલાકે સેન્સેક્સમાં 1300થી વધુ પોઈન્ટનો ઉછાળો નોંધાતા રોકાણકારોમાં ઉત્સાહ છવાઈ ગયો છે.
મળતી માહિતી મુજબ, બોમ્બે સ્ટોક એક્સચેન્જ (BSE)નો સેન્સેક્સ 1300થી વધુ પોઈન્ટના વધારા સાથે 75,144ના સ્તરે કારોબાર કરી રહ્યો હતો. જ્યારે નેશનલ સ્ટોક એક્સચેન્જ (NSE)નો નિફ્ટી પણ 360 પોઈન્ટના ઉછાળા સાથે મજબૂત સ્થિતિમાં જોવા મળ્યો હતો.
બેન્કિંગ, આઈટી, ઓટો અને ફાઈનાન્સિયલ સેક્ટરના શેરોમાં જોરદાર ખરીદી જોવા મળતા બજારને મજબૂત ટેકો મળ્યો હતો. વૈશ્વિક બજારોમાંથી મળેલા સકારાત્મક સંકેતો અને રોકાણકારોના વધતા વિશ્વાસના કારણે બજારમાં તેજીનું વલણ જોવા મળી રહ્યું છે.
શેરબજારમાં સતત વધતા સૂચકાંકોને કારણે રોકાણકારોની સંપત્તિમાં પણ મોટો વધારો નોંધાયો છે. બજારના આ સકારાત્મક ટ્રેન્ડથી રોકાણકારોમાં હાશકારો અને ઉત્સાહનો માહોલ જોવા મળી રહ્યો છે.
બજાર નિષ્ણાતોના મતે વૈશ્વિક આર્થિક પરિસ્થિતિ, વિદેશી રોકાણકારોની ખરીદી અને સકારાત્મક આર્થિક સંકેતોના કારણે આગામી દિવસોમાં પણ બજાર પર સૌની નજર રહેશે.
