રિઝર્વેશન કાઉન્ટર પર હવે ટોકન આધારે મળશે વારો; ભીડ, ધક્કામુક્કી અને લાંબી લાઈનોમાંથી મળશે રાહત
નવી દિલ્હી: ભારતીય રેલવેએ તત્કાલ ટિકિટ બુકિંગ પ્રક્રિયાને વધુ સુવ્યવસ્થિત બનાવવા મહત્વપૂર્ણ નિર્ણય લીધો છે. 1 ઓગસ્ટથી દેશભરના રિઝર્વેશન કાઉન્ટરો પર તત્કાલ ટિકિટ માટે ટોકન સિસ્ટમ લાગુ કરવામાં આવશે.
નવી વ્યવસ્થા મુજબ તત્કાલ ટિકિટ બુક કરાવવા આવતા મુસાફરોને સૌથી પહેલા ટોકન આપવામાં આવશે. ત્યારબાદ ટોકન નંબરના ક્રમ પ્રમાણે તેમનો વારો આવશે અને રિઝર્વેશન કાઉન્ટર પર ટિકિટ બુક કરવામાં આવશે.
રેલવેનું માનવું છે કે નવી સિસ્ટમથી કાઉન્ટરો પર થતી ધક્કામુક્કી, લાંબી કતારો અને અવ્યવસ્થા ઘટાડવામાં મદદ મળશે, તેમજ મુસાફરોને વધુ સરળ અને પારદર્શક સેવા મળશે.
ટોકન મળ્યા બાદ મુસાફરોને સતત કાઉન્ટર પાસે ઊભા રહેવાની જરૂર નહીં રહે. તેઓ પોતાના નંબરની રાહ આરામથી જોઈ શકશે, જેના કારણે તત્કાલ ટિકિટ બુકિંગ પ્રક્રિયા વધુ અનુકૂળ અને સમયબદ્ધ બનશે.
