ભારતના સંરક્ષણ ક્ષેત્ર માટે એક મહત્વપૂર્ણ સિદ્ધિરૂપે Defence Research and Development Organisation (DRDO) એ સ્વદેશી મલ્ટી-લેયર બેલિસ્ટિક મિસાઇલ ડિફેન્સ (BMD) સિસ્ટમનું સફળ પરીક્ષણ કર્યું છે.
10 અને 11 જૂન દરમિયાન કરવામાં આવેલા સતત ત્રણ ઓપરેશનલ ફ્લાઇટ ટેસ્ટમાં BMD સિસ્ટમના ઇન્ટરસેપ્ટરોએ હવામાં જ દુશ્મનની બેલિસ્ટિક મિસાઇલ જેવા લક્ષ્યોને શોધી, ટ્રેક કરી અને સફળતાપૂર્વક નષ્ટ કર્યા હતા. આ પરીક્ષણો ભારતની હવાઈ અને મિસાઇલ સુરક્ષા ક્ષમતામાં નોંધપાત્ર વધારો દર્શાવે છે.
આ સિસ્ટમની વિશેષતા એ છે કે તે વિવિધ સ્તરે આવતી બેલિસ્ટિક મિસાઇલોને અટકાવી શકે છે, જેના કારણે દેશના મહત્વના શહેરો, સૈન્ય મથકો અને વ્યૂહાત્મક સ્થાપનાઓને વધુ મજબૂત સુરક્ષા મળી શકે છે.
આ સફળતા સાથે ભારત એવા મર્યાદિત દેશોમાં સામેલ થયું છે, જેઓ પાસે અદ્યતન બહુ-સ્તરીય મિસાઇલ સંરક્ષણ ક્ષમતા ઉપલબ્ધ છે. DRDOના આ પરીક્ષણને દેશની આત્મનિર્ભર સંરક્ષણ ટેકનોલોજી તરફનું વધુ એક મહત્વપૂર્ણ પગલું માનવામાં આવી રહ્યું છે.
