વાહન પાર્કિંગના સામાન્ય વિવાદે લીધો હત્યાનો વળાંક; હુમલા બાદ બે આરોપી ફરાર
મુન્દ્રા: કચ્છ જિલ્લાના મુન્દ્રા તાલુકાના પત્રી ગામમાં વાહન પાર્કિંગ બાબતે થયેલો સામાન્ય વિવાદ લોહિયાળ અથડામણમાં ફેરવાતા એક વૃદ્ધનું મોત નીપજ્યું છે. ઘટનાને પગલે સમગ્ર વિસ્તારમાં ચકચાર મચી ગઈ છે.
પ્રાથમિક માહિતી અનુસાર, પત્રી ગામના રહેવાસી અબ્દુલ્લા હુસેન પઠાણ પર તેમના ઘર નજીક વાહનો પાર્ક કરવા મુદ્દે થયેલા ઝઘડા દરમિયાન બે શખ્સોએ લોખંડના પાઈપ વડે હુમલો કર્યો હતો. હુમલામાં તેમને ગંભીર ઈજાઓ પહોંચતાં તેમનું મોત નીપજ્યું હતું.
ઘટના બાદ બંને આરોપીઓ સ્થળ પરથી ફરાર થઈ ગયા હતા. બનાવની જાણ થતાં પોલીસ તાત્કાલિક ઘટનાસ્થળે પહોંચી હતી અને મૃતદેહને પોસ્ટમોર્ટમ માટે ખસેડી આગળની કાર્યવાહી હાથ ધરી હતી.
પોલીસે હત્યાનો ગુનો નોંધી ફરાર આરોપીઓને ઝડપી પાડવા માટે તપાસ અને શોધખોળ શરૂ કરી છે. ઘટનાના ચોક્કસ કારણો અને સમગ્ર હકીકત જાણવા વધુ તપાસ ચાલી રહી છે.
