વાવડી રોડની સોસાયટી પાછળ ઝૂંપડામાં છુપાયો હતો, SOGની ટીમે ઝડપી પાડ્યો
ગાંધીધામ એ ડિવિઝન પોલીસ સ્ટેશનમાં નોંધાયેલા NDPS ગુનામાં છેલ્લા છ મહિનાથી નાસતો ફરતો આરોપી મોરબીમાંથી ઝડપાયો છે. મોરબી જિલ્લા SOGને આરોપી વાવડી રોડ વિસ્તારમાં છુપાયો હોવાની ચોક્કસ બાતમી મળતાં ટીમે તાત્કાલિક કાર્યવાહી હાથ ધરી હતી.
જિલ્લા SOGના PI આર.સી. ગોહિલના માર્ગદર્શન હેઠળ ટીમ વાવડી રોડ પર પહોંચી હતી. તપાસ દરમિયાન કે.જી.એન. સોસાયટી પાછળ આવેલા ઝૂંપડામાંથી **રતન મૂળજીભાઈ ચુણા (59)**ને ઝડપી લેવામાં આવ્યો હતો. આરોપી મૂળ ગાંધીધામનો રહેવાસી છે અને હાલ વાંકાનેરની ભાટિયા સોસાયટીમાં રહેતો હોવાનું પોલીસ તપાસમાં સામે આવ્યું છે.
SOGની ટીમે આરોપીને ઝડપી લીધા બાદ વધુ કાયદેસરની કાર્યવાહી માટે મોરબી એ ડિવિઝન પોલીસને સોંપ્યો હતો. આરોપીની ધરપકડ અંગે ગાંધીધામ પોલીસને પણ જાણ કરવામાં આવી છે.
