રાજકોટ : ડેપ્યુટી મેયર દક્ષાબેન વસાણીને મળવાપાત્ર આવાસના મુદ્દે શહેરના રાજકારણમાં ચર્ચા તેજ બની છે. આ મુદ્દાને લઈને ભાજપના આંતરિક વર્તુળોમાં પણ ચર્ચાઓ શરૂ થઈ હોવાનું સામે આવી રહ્યું છે.
ખાસ કરીને વોર્ડ નંબર-9ના કેટલાક કાર્યકરોમાં એવી ચર્ચા ચાલી રહી છે કે આવાસના મુદ્દાને રાજકીય રીતે ઉછાળવામાં આવી રહ્યો છે. કેટલાક કાર્યકરોના જણાવ્યા મુજબ, ડે. મેયરની રાજકીય છબી અને ભવિષ્યની રાજકીય દાવેદારીને અસર પહોંચાડવાના પ્રયાસો થઈ રહ્યા હોવાની ચર્ચા છે.
આગામી વિધાનસભા ચૂંટણીને ધ્યાનમાં રાખીને ડે. મેયર દક્ષાબેન વસાણીની સંભવિત દાવેદારીને લઈને પણ રાજકીય ચર્ચા ચાલી રહી છે. આવાસના મુદ્દાને લઈને આંતરિક રાજકારણ સક્રિય થયું હોવાની ચર્ચા વચ્ચે ભાજપના સ્થાનિક કાર્યકરોમાં કોણ આ મુદ્દાને આગળ ધપાવી રહ્યું છે તે અંગે પણ ચર્ચા શરૂ થઈ છે.
જોકે, આ સમગ્ર મામલે ડે. મેયર અથવા ભાજપના સંબંધિત આગેવાનો તરફથી સત્તાવાર રીતે કોઈ પ્રતિક્રિયા સામે આવી નથી. આવાસના મુદ્દા પાછળ ખરેખર કોઈ રાજકીય હેતુ છે કે નહીં તે અંગે પણ સત્તાવાર સ્પષ્ટતા થવાની બાકી છે.
