વોશિંગ્ટનઃ વિશ્વના જાણીતા રોકાણકાર વોરેન બફેટે બર્કશાયર હેથવેના ચેરમેન પદેથી નિવૃત્તિ લેવાની જાહેરાત કરી છે. 1965થી કંપનીનું નેતૃત્વ કરી રહેલા 96 વર્ષીય બફેટે 18 સપ્ટેમ્બરે શેરધારકોને પત્ર લખીને આ નિર્ણયની જાણ કરી હતી.
બફેટ હવે તાત્કાલિક અસરથી ચેરમેન એમેરિટસ બનશે, જોકે તેઓ બર્કશાયર હેથવેના બોર્ડ ઓફ ડિરેક્ટર્સમાં ડિરેક્ટર તરીકે ચાલુ રહેશે. કંપનીના ઉત્તરાધિકારી આયોજન હેઠળ તેમના સ્થાને નવા ચેરમેનની જવાબદારી સોંપવામાં આવશે.
વોરેન બફેટના સ્થાને હોવર્ડ બફેટ નવા ચેરમેન તરીકે જવાબદારી સંભાળશે. જ્યારે સુસાન ડેકર લીડ ઇન્ડિપેન્ડન્ટ ડિરેક્ટર તરીકે પોતાની ભૂમિકા ચાલુ રાખશે.
બર્કશાયર હેથવેના CEO ગ્રેગ એબેલે બફેટના લાંબા સમયના યોગદાનનો ઉલ્લેખ કરતા જણાવ્યું કે કંપનીમાં તેમણે સ્થાપેલા મૂલ્યો અને વર્ક કલ્ચર આગળ પણ જળવાઈ રહેશે. હોવર્ડ બફેટ કંપનીના નેતૃત્વમાં શિસ્ત અને ઊંડી સમજ સાથે જવાબદારી સંભાળશે.
વોરેન બફેટે પાંચ દાયકાથી વધુ સમય સુધી બર્કશાયર હેથવેનું નેતૃત્વ કર્યું છે. તેમના કાર્યકાળ દરમિયાન કંપની એક વિશાળ વૈશ્વિક રોકાણ સમૂહ તરીકે વિકસિત થઈ છે. હવે તેમના ચેરમેન પદેથી નિવૃત્તિ સાથે કંપનીના નેતૃત્વમાં મોટો ફેરફાર થશે.
