અમેરિકા અને ઈરાન વચ્ચે લાંબા સમય બાદ વ્યાપક શાંતિ સમજૂતી થતાં વૈશ્વિક તેલ બજારમાં રાહતનો માહોલ સર્જાયો છે. Donald Trump દ્વારા ડીલની જાહેરાત બાદ હોર્મુઝ સ્ટ્રેટ પરથી અવરોધો હટાવવાની મંજૂરી આપવામાં આવી છે.
વિશ્વના મહત્વપૂર્ણ તેલ પરિવહન માર્ગ ગણાતા હોર્મુઝ સ્ટ્રેટ ફરી ખુલવાના સમાચારથી આંતરરાષ્ટ્રીય બજારમાં ક્રૂડ ઓઈલના ભાવમાં તીવ્ર ઘટાડો નોંધાયો છે.
- બ્રેન્ટ ક્રૂડનો ભાવ લગભગ 4% ઘટીને 83 ડોલર પ્રતિ બેરલની આસપાસ પહોંચ્યો.
- WTI (વેસ્ટ ટેક્સાસ ઇન્ટરમીડિએટ) ક્રૂડ 4.6%થી વધુ ઘટીને 80 ડોલર પ્રતિ બેરલની નજીક આવ્યો.
- મુરબાન ક્રૂડ પણ 83 ડોલર પ્રતિ બેરલની આસપાસ ટ્રેડ થતો જોવા મળ્યો.
ક્રૂડ ઓઈલના ભાવમાં આ ઘટાડો ભારત જેવા તેલ આયાતકાર દેશો માટે સકારાત્મક માનવામાં આવે છે, કારણ કે તેનાથી પેટ્રોલ-ડીઝલના ભાવ અને મોંઘવારી પર રાહત મળવાની શક્યતા વધી શકે છે.
