રાંચીના બિરસા મુંડા સ્ટેડિયમમાં શનિવાર ભારતીય એથ્લેટિક્સ માટે ઐતિહાસિક દિવસ રહ્યો. પંજાબના 25 વર્ષીય સ્પ્રિન્ટર ગુરિન્દરવીર સિંહે એથ્લેટિક્સ ફેડરેશન સ્પર્ધાની પુરુષોની 100 મીટર રેસ 10.09 સેકન્ડમાં પૂરી કરી અને નવો નેશનલ રેકોર્ડ બનાવ્યો. આ પહેલીવાર છે, જ્યારે કોઈ ભારતીયે 100 મીટર રેસ 10.10 સેકન્ડથી ઓછા સમયમાં પૂરી કરી છે. રેસ જીત્યા પછી ગુરિન્દરવીરે જોશમાં પોતાનો બિબ નંબર ઉતારી દીધો અને ટ્રેક પર જૂતા ફેંકી દીધા. ઇવેન્ટ પછી ગુરિન્દરવીરે કહ્યું- ‘લોકો કહેતા હતા કે ભારતીયો પાસે 100 મીટર માટે જીન નથી. હું બધાને ખોટા સાબિત કરવા માંગતો હતો. ભારતીય જીન ખૂબ મજબૂત છે અને આ તો માત્ર શરૂઆત છે.’ ગુરિન્દરવીરની જીત પછીની ત્રણ PHOTOS…
આ સીઝનમાં એશિયાના બીજા સૌથી ઝડપી દોડવીર બન્યો ગુરિંદરવીરનો આ સમય આ સિઝનમાં એશિયાનો બીજો સૌથી ઝડપી સમય છે. તે જાપાનના ફુકુતો કોમુરો (10.08 સેકન્ડ)થી માત્ર .01 સેકન્ડ પાછળ રહ્યા. તેમણે 2026 કોમનવેલ્થ ગેમ્સનો ક્વોલિફિકેશન માર્ક (10.16 સેકન્ડ) પણ સરળતાથી પાર કરી લીધો. સીનિયર ફેડરેશન કપમાં ગુરિંદરવીરે પોતાના કટ્ટર હરીફ અનિમેષ કુજૂરને પાછળ છોડી દીધા. સ્પર્ધામાં 3 વખત નેશનલ રેકોર્ડ તૂટ્યો અહીં પંજાબના ગુરિન્દરવીર અને ઓડિશાના અનિમેષ વચ્ચે રોમાંચક મુકાબલો જોવા મળ્યો. અનિમેષ ગયા વર્ષે બનાવેલા 10.18 સેકન્ડના રાષ્ટ્રીય રેકોર્ડ સાથે સ્પર્ધાના પ્રબળ દાવેદાર હતા. પરંતુ શુક્રવારે 25 વર્ષીય ગુરિન્દરવીરે પ્રારંભિક સેમિફાઇનલ હીટમાં તેને 10.17 સેકન્ડ સુધી ઘટાડી દીધો. તેના માત્ર 5 મિનિટ પછી 22 વર્ષીય અનિમેષે બીજી સેમિફાઇનલ હીટમાં 10.15 સેકન્ડનો સમય કાઢીને નેશનલ રેકોર્ડ પાછો મેળવી લીધો. ફાઇનલમાં ગુરિન્દરવીરે તેને ફરી પોતાના નામે કરી લીધો. ફાઇનલમાં અનિમેષ કરતાં 0.11 સેકન્ડ ઝડપી દોડ્યા ગુરિન્દરવીર ગુરિન્દરવીરે ફાઇનલમાં અનિમેષ કરતાં 0.11 સેકન્ડ ઝડપી દોડ લગાવી. તેમણે પોતાના યુવા હરીફ કરતાં લગભગ બે ફૂટ આગળ રહીને ફિનિશ લાઇન પાર કરી. રિલાયન્સ ફાઉન્ડેશનના પ્રણવ ગુરવ 10.29 સેકન્ડ સાથે ત્રીજા સ્થાને રહ્યા. યુસેન બોલ્ટના નામે છે વર્લ્ડ રેકોર્ડ 100 મીટર દોડનો વર્લ્ડ રેકોર્ડ જમૈકાના યુસેન બોલ્ટના નામે નોંધાયેલો છે. તેમણે આ રેકોર્ડ 2009ની વર્લ્ડ એથ્લેટિક્સ ચેમ્પિયનશિપમાં બનાવ્યો હતો.
